पीपळ का पेड़ तळ

पीपळ का पेड़ क तळ
रोज सुवांर
बाबो झांकतो रहच
घरां मांई
कद बकरी आवगी घरां सूं
अर पत्ता खावगी

ळार ही वांकू
तलाश रहव छ म्हारी कि
मं बकरी कू घेरतो
ले जाऊं उ खन्या
अर वा मोसू कई बातां कर

म्हार अर बकरी क पाछ
काळू भी बाबा खन
पहूंच जाव छ
क्यूं कि वा भी दो पतासा बाबा सू
रोजीना पाव छ

पेड, म बैठी गुल्यावड़ी
अर गुरगळी
भी आ जाव छ अपणो अपणो
हिस्सो मांगबा
अर मिलबा प खा पीर
चली जावं छ

म्ह रोजीना देखूं छूं
या सब सुवांर
पर बाकी दन, अर दन
आंथतो को देख सकूं
पण सारी बात सुंवारई
बाबो बता दे च मोकू

म भी रोजीना
सुंवार होबा की
बाट नाहलतो रहवूं छूं
की कद बाबा सूं मलूंगो
गुल्यावड़ी अर गुरगुळी सूं मळूंगो.

जोहार


9 अगस्त 2019